VOV4.M’nông: Nau tâm boh kan nsum rnă njrăng mhe geh ntơ Au-kitx đah Australia, Anh ndrel Mỹ geh ndâk tâm lơ 16/9, mra pơk âk nau mhe gay tahen Mỹ n’hao nau lăp kan ta Australia. Aơ kŏ la nau pơk trong nơih gay geh jêng ân Australia ntrŭt dăng nau rnă njrăng-neh dak đăp mpăn đah Mỹ ndrel Anh. Tâm nê, nkô̆ nau tâm boh bôk năp geh mbơh lah nau kan pe dak ndrel tâm boh ƀư tàu ngầm ndrak nsiu ta Australia. Australia ndrel Mỹ tă lah dak kan nsum tâm dăch ndrel geh âk nau tâm boh nsum tâm nau rnă njrăng-neh dak. Ndrel nau ntơm luh bah Au-kitx mra lah nau tâm boh lơn ma nâp ndrel pơk hvi lơn nau tâm boh tă geh. N’gâng kan neh dak Australia Peter Dutton lah rjăp, Au-kitx mra ntrŭt dăng tâm boh đah Australia ndrel Mỹ tâm nau kan neh dak, pă rmôt nŭih, n’hâm dăng ndrel nau mra kan bah tahen ăp ding./.

Nŭih rblang: H’Thi