VOV4.M’nông: Ăp kruanh Mỹ n'hanh Đức nar 20/07 an gĭt bar dak hŏ geh du nău tâm ton mpeh trong nchrăp n'hoch dak ŭnh geh moh “N'hong hoch phương Bắc 2". Aơ lah du trong nchrăp n'hoch dak ŭnh ngai đah kơh dak lêng bah Vyborg, Nga tât Greifswald, Đức tă bah công ty Nord Stream AG ƀư. Tĭng nău tâm ton dja, n'gâng kan Tổng thống Mỹ Joe Biden mbra mô dun tay trong nchrăp n'hoch dak ŭnh phương Bắc 2, dŭt bah âk năm tâm rlăch mpeh nău rêh bah trong nchrăp kan dja. Tâm rnôk nê, Đức mbra ŭch ntop kơl Ukraina tâm trong tâm boh ŭnh nar n'hanh ăp trong nchrăp kan tâm trong kan ŭnh nar dja. Nău tâm ton đah Mỹ n'hanh Đức mbra an Nga n'hao âk rlău bar tơ̆ rnoh âk n'hoch dak ŭnh tăch n'gluh sŏng tât Đức ma trong dĭng n'hoch mŭr ta nâm dak lêng Baltic rgâl ma trong dĭng n'hoch dak ŭnh rlău Ukraina.   

Nuĭh rblang: Điểu Thân