VOV4. M’nông: Bộ trưởng quốc phòng Mỹ Lioyd Austin hŏ geh rơh kuăl điện tâm nchră đah nuĭh ndrel gưl kan Philippine mpeh nău ăp tàu Trung Quốc ntoh ta nkual tâm pit ma Philippine mbơh ƀư tơm ta dak lêng. Tĭng nuĭh ntơh ngơi Bộ quốc phòng Mỹ, tâm rơh kuăl điện tâm nchră đah Bộ trưởng quốc phòng Philippine Delfin Lorenzana, wa Austin hŏ dăn đă du đêt trong nkra gay n'hao têh tâm boh njrăng n'gang neh dak đah bar dak, tâm nê geh "n'hao nău gĭt êng mpeh ăp nău tât mpeh ntêt nkri ta dak lêng". Bol mô nkoch kloh trong nkra na nê̆, yơn Nuĭh ntơh ngơi Bộ quốc phòng Mỹ John Kirby an gĭt đŏng, bôk pơh bah năp nơh, tàu tach ndeh păr Mỹ USS Theodore Roosevelt n'hanh tàu rdôl lơh kơh USS Makin Island hŏ ntoh ta nkual dak lêng./.  

Nuĭh rblang: Điểu Thân