VOV4.M’nông: Ntŭk nkoch mbơh nau Nhật Bản Kyodo ndŏ nau: Kruanh n’gâng kan neh dak Mỹ ndrel Nhật Bản hŏ tâm ban nau tâm boh tâm nau kan geh tât nau tâm nteng tahen đah Trung Quốc ndrel Đài Loan. Ntŭk nkoch mbơh nau Kyodo ndŏ mbơh nau kan bah Chính phủ ân lah Kruanh n’gâng kan neh dak Mỹ tâm nrôk hăn khâl Nhật Bản mhe aơ hŏ ntoh mbơh nau kan aơ tâm rơh tâm mâp đah nŭih ndrel gưl kan Kruanh n’gâng kan neh dak Nhật Bản Nobu Kishi. Pơh bah năp nê, ăp kruanh n’gâng kan neh dak ndrel kruanh n’gâng kan nchră nau Mỹ ndrel Nhật Bản kŏ tâm mâp ngăn ta Tokyo. Tâm nau ton lah nsum đah 2 dak, Kruanh n’gâng kan neh dak ndrel Kruanh n’gâng kan nchră nau lah rjăp nau kan bah Trung Quốc mô kơt tĭng nau kan bah lam ntur neh rnôk aơ ndrel leo jêng ăp nau ntul rlong mpeh nau kan công nghệ, tahen ndrel văng sa đah rmôt kan Liên minh Mỹ-Nhật ndrel nsum mpôl lam ntur neh./.

Nŭih rblang: H’Thi