VOV4.Mnông- Kruanh n’gâng kan nchră nău đah dak bah dih Myanmar nar 14/10 an gĭt, dak aơ dôl kâp uănh năl mpeh rơh tât khâl bâh đặc phái viên ASAEN n’hanh lah na nê̆ mbra geh ƀư ueh tâm di tâm nău ŭch geh rơh tât khâl. Rnê rơh tât khâl n’hanh knơm an lah mpôl kan đặc phái viên ASEAN mbra geh ƀư tĭng trong kan na nê̆ tâm di đah ăp nău way geh ntrŭnh mbơh tâm Hiến chương n’hanh nău mĭn kan ASEAN. Myanmar an lor mât đăp mpăn n’hanh ueh lăng tâm dak. Rlău ma nĕ geh nău mbơh lĕ lah na nê̆ Myanmar ton tâm kơl tâm nău ƀư tĭng 5 nău dih jêr ma ăp nuĭh leo kan ASEAN lĕ dơi geh tâm rnôk khay 4 mpeh nău ta Myanmar. Tâm rnôk nĕ, ăp nuĭh leo kan ASEAN lĕ kuăl đă tay an bah nău tâm lơh, ƀư tĭng ăp rơh tâm nchră geh nău rdâk njêng n’hanh lăp kan ndrel, nkre lah tâm ton tâm kơl kon nuĭh an nuĭh ƀon lan Myanmar.

Nuĭh rblang: Thị Đoắt