VOV4.M’nông: Lơ 25/3, N’gor uỷ Dak Lak ƀư rƀŭn lôch nau kan ndâk njêng Đảng năm 2020, ntrŭnh nau kan tâm năm 2021. Tĭng nau uănh năl ta nar rƀŭn nchră, gưl uỷ Đảng ăp gưl n’gor Dak Lak hŏ nsôih râng kơl tâm nchră ƀư ân dơi nau geh bah Đại hội đảng ăp gưl rgop nau leo tâm nau dơi nsum bah Đại hội Đảng bộ n’gor tal XVII. Âk gưl uỷ, ntŭk kan geh nau kan ueh, nau kan mhe rgop nau leo nau ntrŭnh đă lăp tâm nau rêh. Nau kan ndâk njêng ntrong kan ân gleh, ueh nau kan săk tam, geh nsum đah nau n’huch rnoh nŭih kan, n’hao nau nâp ndrel ndâk tay rmôt cán bộ công chức. Năm 2020, n’gor Dak Lak ƀư nau n’huch 66 nŭih công chức ndrel rlau 1.100 biên chế viên chức. Nchrăp tâm năm aơ, n’gor Dak Lak lŏ n’huch 60 công chức ndrel rlau 1.100 biên chế viên chức, tĭng rnoh 10% ma nau ntrŭnh 39/2015 bah Bộ chính trị ndrle nau nchrăp mpeh nau n’huch ndrel ndâk tay rnoh nŭih cán bộ, công chức, viên chức bah Rnâng kan N’gor uỷ Dak Lak nchrăp luh./.

Nŭih rblang: H’Thi