VOV4.Mnông-Ntŭk kan rnă njrăng dak lêng Indonesia mhe nglôch lôch nău kan năm 2021 n’hanh ngluh mbơh ntrong pah kan năm 2022. Tĭng nĕ, ntŭk kan aơ lĕ geh uănh năl ngoăy tâm âk nău kan an lor bôk năp tâm năm 2022 lah mbơh ƀư nău dơn kan, mât đăp mpăn rnă njrăng ta nkual dak lêng mpeh ba lơ Natuna ta dak lêng Biển Đông n’hanh Bờ tây Sumatera, nkre lah n’hao tâm mbơh nău mhe n’hanh tâm kơl rnă njrăng dak lêng ta ASEAN. Tĭng nuĭh dâk bôk năp ntŭk kan rnă njrăng dak lêng Indonesia, Đô đốc Aan Kurnia, dak lêng mpeh ba lơ Natuna jêng nău kan an lor ta năm 2022 yor geh ăp nău tât bâh ntŭk gŭ rêh ta ntrong kan, rnôk aơ lah dak lêng geh ăp nău kan đah ăp ngih dak êng. Gay ma mât đăp mpăn rnă njrăng ăp nkual dak lêng nău kan tơm, ntŭk kan mât uănh dak lêng Indonesia mbra geh dŏng âk ăp nău way kan, tâm nĕ geh nău way bâh du mpôl kan nchrăp lor, ƀư tĭng ăp nău kan mât uănh ta ka lơ trôk n’hanh ndơ̆ mbơh nău geh mbơh rblang nău mhe mpeh ntŭk kan leo kan n’hanh mât njrăng.

Nuĭh rblang: Thị Đoắt