VOV4. M’nông: Nhih pah kan tâm ton tahen Bắc Đại Tây Dương (NATO) nar 23/4 nkah tay nău ton ntop kơl nuĭh ƀon lan Afghanistan n'hanh hăn tât du trong nkra chính trị an nău tâm lơh ta dak dja. Nuĭh măt gưl têh bah NATO ta Afghanistan Stefano Pontecorvo an gĭt lôch rơh mâp đah nuĭh mât bôk Hội đồng gưl têh nkra bah tâm rkeh neh dak Afghanistan Abdullah Abdullah bah năp nê du nar. Rơh mâp đah ăp kruanh NATO n'hanh n'gâng kan Afghanistan gay tâm rkhăch du bôk nău kan mhe tâm boh đah bar ding. Lĕ ma NATO n'hanh chính phủ Afghanistan tâm ban ŭch da dê mpeh nău khlay bah du nău tâm ton chính trị n'hanh nău khlay jêng du trong hăn dơn ngoăy yor ma đăp mpăn n'hanh nău geh bah lĕ rngôch nuĭh ƀon lan dak dja, Tâm rnôk nê, Afghanistan hôm dôl uănh saơ ăp rơh tâm pănh đah mpôl tahen dâk lơh Taliban n'hanh tahen Chính phủ. Tâm lơh hôm geh mbro bol ma ăp rơh tâm nchră bah tâm lơh tâm su ta Doha, Qatar bah khay 9 năm e nơh./.

Nuĭh rblang: Điểu Thân