VOV4.M’nông- Nar 13/7, 8 ứng cử viên tât râng rơh tâm rlong leo kan đảng bảo thủ njôt kan ta Anh mbra ntơm rơh tâm rlong săch bôk năp. Bâh nĕ, mbra ndơn an wa Boris Johnson đah nău kan lah Thủ tướng Anh. Rnoh ứng cử viên  geh tŏng nău dơi tât râng tâm rlong eh săch ƀư leo kan Đảng bảo thủ lĕ geh mbơh ta nar 12/7. Lĕ geh 11 nuĭh ứng cử yơn 3 nuĭh mô rgum tŏng 20 phiếu kơl an bâh ăp nghị sĩ đảng njôt kan n’hanh geh nklơi jăng, kanŭng geh 8 nuĭh tŏng nău dơi lăp ta rơh săch phiếu bôk năp. 8 nuĭh aơ geh: wa Rishi Sunak, kruanh n’gâng kan tơm prăk ơm, wa Liz Truss, kruanh n’gâng kan nchră nău dak bah dih wa Jeremy Hunt, kruanh n’gâng kan dak si ơm bâh rơh chính phủ wa Theresa May, wa Tom Tugendhat, kruanh ủy ban nchră nău đah dak bah dih Hạ viện Anh, wa Nadhim Zaha wi, kruanh n’gâng kan tơm prăk dôl kan, wa Penny Mordaunt, kruanh n’gâng kan tăch rgâl wa bu ur Suella Braverman, Tổng lý chưởng Anh.

Nuĭh rblang: Thị Đoắt