VOV4.M'nông: Mpôl kruanh Afghanistan mhe aơ hŏ kuăl jă Mỹ n'hanh ăp  dak phương Tây êng ƀa ƀă mô ƀư jêng duh jêr chính trị tâm nkô̆ nău kơl nuĭh n'hanh rlu mpă wêl ăp drăp ndơ dak  dja. Lôch mpôl tahen Taliban dơn mât n'gâng kan ta Afghanistan rnôk khay 8 năm e nơh, n'gâng kan Mỹ hŏ mpă wêl drăp ndơ bơi 9,5 rmen USD drăp ndơ bah ngân hàng trung ương Afghanistan gay nking nchăng Taliban tât dŏng. Tâm rnôk nê, Ngân hàng lam ntŭr neh (WB) n'hanh Prăk nkrem lam ntŭr neh (IMF) hŏ rlu kơl an neh dak Tây Nam Á dja.  Liên hợp quốc hŏ âk tơ̆ nkah Afghanistan dôl gŭ bah meng brŏng tŭp bah ngoăy tâm ăp rơh duh jêr kơl nuĭh dŭt krit nji  lam ntŭr neh đŏng, đah rlău 50% rnoh nuĭh dôl ât rdâng đah nău mô tŏng ndơ sa hôm./.

Nuĭh rblang: Điểu Thân