VOV4.M'nông: Ai Cập, Mỹ n'hanh Tây Ban Nha mhe ƀư nti tahen nsum ta dak lêng nkual Địa Trung Hải. Nuĭh ntơh ngơi bah Bộ Quốc phòng Ai Cập an gĭt, ăp duk tâm lơh bah tahen dak lêng Mỹ n'hanh Tây Ban Nha hŏ râng rơh nti tahen nsum lôch hăn khâl ntŭk gŭ nde tahen dak lêng Ai Cập. Bah meng ăp nău kan mpeh trong hăn lơh bah tahen dak lêng, rơh nti tâm lơh hôm geh nău dơn kan "Tiăr nti mpeh tâm boh kan nsum tâm du nău nsrôih pah kan nsum mât đăp mpăn rnă njrăng nchuăn rdeng dak lêng tâm ban kơt ăp nău tâm rdâng đah nău tât ntêt nkri mbra khuch tât trong tăch rgâl lam ntŭr neh n'hanh dak rŏng rsong hăn trong dak lêng lam ntŭr neh tâm ăp trong kan nsĭt geh nsum". Nuĭh ntơh ngơi bah Bộ quốc phòng Ai Cập an gĭt đŏng nău ƀư ăp rơh nti tahen mbra kơl n'hao dăng tâm boh kan nsum đah tahen Ai Cập n'hanh ăp dak tâm boh gay ntop kơl rnă njrăng n'hanh đăp mpăn nchuăn rdeng dak lêng./.

 Nuĭh rblang: Điểu Thân