VOV4.M'nông: Đah nău ntoh bah âk nuĭh ntoh lư mhe n'hanh ăp nuĭh kan chính trị tă ơm gĭt âk nău kan, nău lư mpŏng chính phủ mhe bah Nhật Bản lôch rgâl dơh glêh nsĭt tay rlong sial mhe an neh dak măt nar luh lôch âk ntul rlong têh lĕ ma tâm n'hanh bah dih dak. Aơ lah rơh rgâl chính phủ tâl 2 ta Nhật Bản tâm 10  khay aơ lôch rnôk Thủ tướng Kishida Fumio dơn nău kan rnôk khay 7 năm e nơh. Lah đah báo chí, Thủ tướng Kishda lah rjăp aơ mbra lah “chính phủ tĭng ƀư trong n'glêh an" nkre đah ăp nuĭh lăp kan nsum tă ơm gĭt âk nău kan, ndrel dâk kan lĕ n'hâm suan gay ndơ̆ Nhật Bản rlău âk ntul rlong, jêr jŏt tâm let năp tay. 5 nău kan an ƀư lor bah chính phủ mhe lah n'hao dăng njrăng n'gang neh dak, ntrŭt ntrôl ăp trong kan rnă njrăng wăng sa, ntrôl ngăch dâk hao tay jâng wăng sa, rdâng lơh đah nuh srê COVID-19 n'hanh nău nsrôih nkra ăp nkô̆ nău rnoh deh kon hŭch âk./.

Nuĭh rblang: Điểu Thân