VOV4.M’nông – Hải quân Ấn Độ n’hanh Rmôt njrăng n’gang ta dak lêng Nhật Bản lĕ ƀư rơh nti Kan dnrel trong dak lêng (MPX) ta nkual dak lêng Andaman ta Ấn Độ Dương. Tâm rnôk nti, 2 ding rgum tâm ăp nău ƀư nti geh ăp nău kan ta tàu, nău kan bah ndeh păr n’hanh nti tâm lơh. Nău nti gay n’hao dơi kan ndrel n’hanh mbơh nu nău tâm ôp đah hải quân 2 dak. Ấn Độ n’hanh Nhật Bản lĕ n’hanh dôl ƀư ăp rơh nti ƀa ƀơ ta nkual Ấn Độ Dương gay n’hao boăt nthoi trong dak lêng. N’gâng kan mât njrăng dak Ấn Độ an gĭt, rơh nti aơ lah du gâl tâm ăp nău trong tahen dak lêng 2 dak gay đăp mpăn trong dak lêng n’hanh tăch rgâl dak bah dih ta nkual Ấn Độ Dương.

Nuĭh rblang: Y Sưng Phê Ja