VOV4.M'nông: Ấn Độ n'hanh Pháp nar 16/8 hŏ tâm ban ŭch tâm boh lhăt tâm nău rdâng lơh đah ăp ntul rlong lam ntŭr neh, lah tâm trong kan đăp mpăn ndơ sa n'hanh ŭnh nar. Nău mbơh dja dơi ndơ̆ luh tâm rnôk kuăl điện tâm nchră đah Thủ tướng Ấn Độ Narendra Modi n'hanh Tổng thống Pháp Emmanuel Macron. Ta rơh kuăl điện tâm nchră, bar kruanh rđău kan hŏ tâm rkhăch mpeh tâm boh bar ding tâm trôm tâm boh têh jong Ấn Độ - Pháp n'hanh ăp nkô̆ nău lam ntŭr neh n'hanh ta nkual. Tĭng nău mbơh bah Văn phòng Thủ tướng Ấn Độ, bar ding hŏ ndrel hăn ôp uănh n'hanh ăp nău mĭn mhe bar ding dôl tĭng ƀư,  lĕ ma ăp trong nchrăp kan tâm boh njrăng n'gang neh dak n'hanh tâm trong kan ŭnh nar hạt nhân.

Nuĭh rblang: Điểu Thân