VOV4.Mnông- Nar 26/1, kruanh n’gâng kan nchră nău đah dak bah dih Anh Liz Truss mbơh, Anh mbra geh nău rmal êng đah Tổng thống Nga Vladimir Putin lah Nga rdul lơh Ukraine, nău ntôn ma Nga way geh nklơi dun. Kruanh n’gâng kan nchră nău đah dak bah dih Anh an gĭt, dak aơ dôl pă phao blêu mât njrăng an Ukraine. Ta năp nĕ,k nar 25/1, ndơn kan gâl têh mât nău rnă njrăng n’hanh nchră nău dak bah dih EU, wa Josep Borell an gĭt, mpôl kan EU lĕ ƀư lôch nău nchrăp kan gay ma rdâk njêng ăp ntrong kan mât njrăng rmal tâm rnôk Nga rdul lơh Ukraine. Nău nchrăp ma geh nđâp ăp ntrong kan rmal kơt lah mô an rvăt ndơ su, ăp ntrong kan mât njrăng nău tăch ngluh ndơ, an bah ir nău rgâl rnoh prăk, mô an tăch ndơ an dak bah dih.

Nuĭh rblang: Thị Đoắt