VOV4.M'nông: Nău kan Chính trị ta Anh dôl tât dŭt n'hâm  duh jêr n'hanh rlơ̆ rlơt rnôk geh 40 nuĭh kan tâm chính phủ Anh luh du gay rlăch dun n'hanh mpet đă wa Boris Johnson n'glơh tŭp êng nău kan Thủ tướng. Yơn lah, wa Boris Johnson lah rjăp mbra mô gŭ kan jŏ tât dŭt năm kan đŏng. Lôch rlu ndal tâm nar 5/7 bah bar hê nuĭh kan dŭt khlay tâm chính phủ Anh lah Bộ trưởng Tài chính n'hanh Bộ trưởng Y tế, tâm nar 06/07, du rơh ăp nuĭh kan tâm chính phủ Anh, lĕ ma 8 Bộ trưởng ndrel ăp Thứ trưởng tâm ban kơt nuĭh kơl kan an Bộ trưởng tâm chính phủ Anh hŏ du rơh ndơ̆ si ƀŭt dăn rlu kan đŏng, đah nkô̆ mô  hôm geh nău nsing nơm tâm nău dơi rđău kan bah Thủ tướng Anh Boris Johnson. Lĕ rngôch, lôch 2 nar rhăt rhău, kơp tât măng nar 6/7, hŏ geh 42 kruanh tâm n'gâng kan Anh rlu kan gay rlăch dun wa Boris Johnson. Tâm rdâng đah rơh duh jêr chính trị dŭt têh kơp ntơm bah rnôk hao mât bôk yơn rnôk ntoh ta Nghị viện Anh, Thủ tướng Anh Boris Johnson hôm tâm rlăch ndăng hô đŏng n'hanh mbơh mbra mô n'glơh tŭp êng nău kan yor hŏ dơi cử tri Anh sơch jêng mbra mât bôk tât lĕ năm kan./.

Nuĭh rblang: Điểu Thân