VOV4.M'nông: Lôch rnôk ŭanh năl mpeh nău tam bah vaccine, nar ntri 3/8, Australia mhe mbơh an gĭt n'glêh an si ƀŭt chuh vaccine njrăng n'gang Covid-19 an kon se ntơm bah 6 khay tât 5 năm deh gay mât njrăng săk an kon se jê̆ tâm rnôk dak dja dôl tâm rdâng đah rơh tât nuh srê Covid-19 tâl pe, Australia n'glêh an dŏng vaccine njrăng n'gang nuh srê Covid-19 bah hãng dược phẩm Moderna an kon se ntơm bah 6 khay tât 5 năm deh. Yơn lah, Bộ trưởng Y tế Australia Mark Butler lah rjăp, dơn ăp kon se ta rnoh năm deh dja n'hanh geh săk dăng chŏl đêt, lah kon se quet nte n'hanh geh ma nău ntưp âk ăp nău ji jêng jru bah Covid-19 mơ dơi an chuh. Đah nău n'glêh an dơi mbơh dja, vaccine njrăng n'gang Covid-19 bah hãng dược phẩm Moderna lah du ntil vaccine dơi Australia đă dŏng an kon se ntơm bah 6 khay deh let lơ dơm./.

Nuĭh rblang: Điểu Thân