VOV4.M'nông: Tâm nău ƀư Kruanh Ủy ban ASEAN ta New York, Campuchia nar 08/08 hŏ ƀư tơm rơh Nkah ndray 55 năm njêng ASEAN ta nâm trong ƀư pơk sŏng dăng. Râng nkah ndray geh Chánh Văn phòng Ban Thư ký Liên hợp quốc Courtenay Rattray ntơh măt an Tổng Thư ký Liên hợp quốc n'hanh rlău 100 nuĭh ntơh măt tât bah ăp dak lăp kan nsum tâm Liên hợp quốc. Lah ta rơh nkah ndray, Groi Thủ tướng, Bộ trưởng Ngoại giao Campuchia Sokhonn Prak n'hanh Tổng Thư ký ASEAN Dato Lim Jock Hoi plơ̆ lah rjăp tay nău khlay ƀư tơm bah ASEAN ta nkual, way rƀŏng tât ntrŭt ntrôl tâm rnglăp, tâm ban ŭch tâm boh đah ăp dak lăp kan nsum n'hanh rdâk uĕh tay tâm boh đah ăp dak băl. Ntơh măt âk dak lăp kan nsum Liên hợp quốc njuăl nău mbah rhơn tât ăp dak lăp kan nsum ASEAN nkhêp nkah ndray nar njêng đŏng./. 

Nuĭh rblang: Điểu Thân