VOV4.M'nông: Nar 27/01, Nuĭh ntơh măt Chính phủ Hoàng gia Campuchia, Bộ trưởng Thương mại Campuchia Pan Sosak hŏ wơt Thứ trưởng Bộ Thương mại n'hanh Công nghiệp Nga gay n'hao dăng tâm boh wăng sa, tăch rgâl n'hanh ntuh kơl đah bar dak. Lôch pơk tay mpông neh dak, Campuchia ŭch rŏng nta trong dŭt uĕh an dâk hao tay jâng wăng sa- rêh jêng kon nuĭh. Yor kơt nê̆, ăp nuĭh mât uănh nău kan Campuchia hŏ kuăl jă nuĭh ntuh kơl Nga ntrôl dăng ăp rơh tâm nchră tăch rgâl bar ding. Ta rơh mâp, Bộ trưởng Pan Sosak dăn đă ntrŭt ntrôl tay âk lơn đŏng ăp doanh nhân n'hanh năch pâl nđaih bah Nga tât Campuchia; nkre kuăl jă nuĭh ntuh kơl bah Nga tâm Campuchia tâm trong kan ƀư njêng ndeh ô tô, tuch tăm mât rong, nkret njêng ndơ ngêt sa, nchuăn rdeng, khoa học công nghệ n'hanh ƀư njêng vaccine. Bah meng nê, Bộ trưởng Pan Sosak dăn đă Nga ntrôl ngăch tâm nchră mpeh tâm boh tăch rgâl Campuchia đah Mpôl tâm rgop wăng sa Á-Âu (EAEU).

Nuĭh rblang: Điểu Thân