VOV4.M’nông - Rnoh khlay ndơ su ta châu Âu lĕ hao ndal tâm pơh aơ jêh rnôk Tập đoàn ŭnh nar ngih dak Nga Gazprom mbơh mbra an ntĭl mpông trong ding ndơ̆ ndơ su têh ngăn châu Âu trong hoch phương Bắc 1 gay nkra. Ndrel đah duh n’hanh prăng tăch proăt, nău nkra ndâl trong ding ndơ su bah Nga tât Đức rlău Dak lêng Ban tích lĕ ƀư hô lơn ăp nău tâm rklăch đah Nga n’hanh Liên minh châu Âu, kơt hao nău geh mô tŏng ŭnh nar ta châu lục tâm yan puh êp tât. Rơh tăch rgâl nar 22/8, rnoh khlay ndơ su bah châu Âu lĕ hao 14,6%, hao rlău 2 tơ̆ knŭng tâm 1 khay n’hanh hao rlău 14 tơ̆ nkôp đah rnoh rĭng geh bah răch năm bah năp. Tĭng nuĭh ây kan wăng sa Tapas Strickland bah NAB, nu naư ŭnh nar hô ngăn bah châu Âu an saơ lvang hô ngăn bah nău ntoh hao khlay mô hŏ tât n’hanh mâp nău hao khlay hôm e jŏ jong.

Nuĭh rlang: Y Sưng Phê Ja