VOV4.M'nông: Mpôl tahen puh n'hât ŭnh sa Cuba hŏ puh n'hât dơi rơh ŭnh sa kho dak pring ta kuel dak lêng Matanzas ntoch jong rlău 5 nar aơ. Aơ lah rơh ŭnh sa dŭt krit nji, lơh khuch khat dŭt têh mô hŏ tă geh ta dak gôl Caribe. Nklăp 40% ntŭk rnă ntêm pring bah Cuba mbra geh ŭnh sa lĕ. Rơh ŭnh sa ntơm bah kêng dŭt pơh bah năp nơh rnôk geh n'glaih chong ta 1 bể đâng dak pring ta nkual công nghiệp n'gor Matanzas. Rơh ŭnh sa lơh jêng âk rơh rtoh, bol ma geh nău nsrôih kơl puh n'hât ŭnh sa bah n'gor đah nău ntop kơl bah rlău 100 tahen kơl puh n'hât ŭnh sa tât bah Mê-hi-cô n'hanh Vê-nê-zuê-la. Rơh ŭnh sa hŏ ƀư 1 hê tahen kơl puh n'hât ŭnh sa khĭt, 14 nuĭh roh n'hanh rlău 100 nuĭh geh rmanh dô n'hanh rhôp n'huk ŭnh./.

Nuĭh rblang: Điểu Thân