VOV4.M’nông: Ntŭk nkoch mbơh nau Ngih dak Triều Tiên (KCNA) lơ 22/6 ndơ̆ nau, rơh rƀŭn Uỷ ban Quân sự Trung ương pơk hvi tal pe bah Đảng Lao động Triều Tiên gưl 8 hŏ ntơm ƀư gay nchră tât nau kan mât neh dak tâm 6 khay bôk năm 2022, nkra tâm nchră mpeh nau kan tahen ndrel ăp nau kan bah neh dak tâm rơh tât. Rđau kan Kim Jong-un hŏ ƀư tơm nar rƀŭn ndrel tâm nchră mpeh ăp nau kan khlay, ndal tâm nau ndâk njêng nau kan neh dak lam ƀon lan ndrel ƀư ân rjăp ntrong kan tahen, nau kan neh dak ƀư tơm bah Đảng mât kan. Êp nê, rơh rƀŭn kŏ nchră ăp nau kan mpeh nau ntrŭnh bah Ngih dak geh mbơh tâm rơh rƀŭn Rnâng kan rđau kan Trung ương Đảng Lao động Triều Tiên tâm bôk khay aơ./.

Nŭih rblang: H’Thi