VOV4.M’nông - Ôi 28/6, ta ngih Trung ương ta Phnom Penh, đảng Nhân dân Campuchia (CPP) djôt bôk lĕ ƀư nkah gĭt 71 năm nar ndâk njêng (28/6/1951-28/6/2022) đah tât râng bah 5.000 đảng viên n’hanh nuĭh kơl ta Thủ đô n’hanh ăp n’gor kiău ma. Ntoh ngơi ta nar ƀư, Thủ tướng Campuchia Samdech Hun Sen nkoch kloh, rlet rlău 71 năm, đảng CPP hăn ndrel đah nuĭh ƀon lan Campuchia rlet rlău âk jêr jŏt tâm ăp lvang têh, dun n’gang chủ nghĩa thực dân sŏk đăp mpăn rnoi mpôl, lơn lah rơh tâm lơh rklaih đăp mpăn neh dak luh rklaih mpôl nkhĭt sêng Pol Pot, sŏk dơi lịch sử nar 7/1/1979. Jêh rnôk kơp tay âk nău dơi bah CPP bâh nar ndâk njêng tât aƀaơ, Thủ tướng Hun Sen lah rjăp: Bôl mâp âk jêr jŏt, kơt ăp nău phah bah ăp nuĭh rlăng, yơn đah nău ntĭm rđău bah đảng Nhân dân Campuchia, nău kơl bah nuĭh ƀon lan, nău ntop bah ăp dak băl bên, Campuchia lĕ rlet rlău lvang jêr jŏt ngăn, nâp nâl hăn tay tâm trong đăp mpăn, tâm rgum rnoi mpôl, ƀon lan ƀư tơm n’hanh hun hao.

Nuĭh rblang: Y Sưng Phê Ja