VOV4.M’nông- Âk dak kan ndrel châu Âu EU hôm nha ê hŏ dơi geh nău tâm ton mpeh rnoh rmal tal 6 rdâng tay đah Nga. Cao Ủy EU mât nău rnă njrăng n’hanh nău kơl kan nchră nău đah dak bah dih Josep Borrel an gĭt kơt nĕ lôch rơh rƀŭn nchră ăp kruanh n’gâng kan nchră nău đah dak bah dih EU geh ƀư mhe aơ ta Brucssel dak Bỉ. Ăp kruanh n’gâng kan nchră nău đah dak bah dih EU lĕ mô dơi tâm nău nsrôih ƀư tŭn mpet đă Hungary nklơi nău dun jăng đă mô an nchoăn rdeng tơm pring đah Nga. Nău đă rmal aơ knaŭng geh săk tam lah dơn geh nău tâm ban ŭch bâh lĕ rngôch 27 ngih dak kan ndrel EU. Nău đă mô an rvăt nglăp tơm pring kât yor Ủy ban châu âu dăn đă đah Nga, tâm nĕ geh nđâp Nga ndâk nsơm nău tât an ăp ngih dak EU knơm âk ta tơm pring bâh Nga.

Nuĭh rblang: Thị Đoắt