VOV4.Mnông- Kruanh Ủy ban châu âu Ursula von der Leyen mbơh, âk dak kan ndrel châu âu EU mbra n’hao pă tơm prăk, ntrôl bôk nău kan chuh n’gang ta ăp ngih dak châu phi ơm geh uănh năl lah tŭp rŭch yor nău mbơh chuh vacxin mbrơi lơn đah âk ntŭk êng ta lam ntur neh. Ntoh ngơi ta rơh tât khâl ta thủ đô Dakar bâh Senegal, wa bu ur Von der leyen an gĭt, EU mbra pă tay 125 rkeh ơ rô, rlău ma rnoh 300 rkeh ơ rô kơt lĕ geh ton ta năp nĕ gay ma kơl an ăp dak ntĭm nti nuĭh kan n’gâng kan dak si tâm ban kơt mât uănh vacxin. Rnoh pă vacxin ta châu phi tâm ăp khay dăch aơ lĕ hao âk mbro, yơn âk dak hôm nha mâp âk nău jêr tâm nău pă n’hanh dŏng, đah du đê̆ ngih dak kơt lah Công gô n’hanh Burundi, mhe geh dŏng ê hŏ tât 20% rnoh vacxin ơm geh.

          Nuĭh rblang: Thị Đoắt