VOV4.M’nông- Nuĭh leo kan ăp dak kan ndrel châu Âu EU nar aơ, 30/5, ƀư rơh rƀŭn nchră gâl têh khlăy ta Brussel dak Bỉ gay ma tâm nchră mpeh nău tâm lơh ta Ukraine, nău ŭnh nar, rnă njrăng ngih dak tâm rnôk nău tâm rnglăp bâh rmôt kan văr ăp nău tâm rdâng đah rơh tâm lơh ta Ukraine ăp nar lơ ma geh nău mô ueh. Tâm săm ƀŭt jă râng rƀŭn nchră njoăl tât nuĭh leo kan 27 ngih dak kan ndrel âk dak châu âu, kruanh hội đồng châu âu, wa Charles Michel mbơh, tâm bar nar rƀŭn nchră khlăy ta Brucsels, ăp nuĭh leo kan châu âu mbra tâm nchră 4 bôk nău tơm khlăy geh: rơh tâm lơh ta Ukraine, nău kơl rnă njrăng ngih dak, nău kơl ŭnh nar n’hanh rnă njrăng ndơ sông sa. Tâm rnoh aơ, nău tât tâm lơh ta Ukraine tâm ban kơt ăp nău kơl an bâh châu Âu đah Nga n’hanh Ukraine mbra lah nău tơm khlăy, geh dŭt âk mông nar tâm nchră, ngăn lah rnoh rmal tal 6 ma âk dak châu âu kan ndrel nchrăp dŏng đah Nga.

Nuĭh rblang: Thị Đoắt