VOV4.M'nông: Tâm du nău mbơh nar 13/4, tĭng nău mĭn bah nuĭh ntơh măt gưl têh mpeh trong kan tâm boh dak bah dih bah EU Josep Borrell, Hội đồng Liên minh châu Âu hŏ n'glêh an kơi ntop kơl tahen an Ukraine hao tât 500 rkeh euro. Ndrĭ, đah ăp rnoh ntop kơl mhe hŏ n'hao lĕ rngôch rnoh ntop kơl bah EU an Ukraine hao 1,5 rmen euro (1,6 rmen đôlar). Nuĭh ntơh măt gưl têh mpeh  trong kan tâm boh dak bah dih bah EU Josep Borrell lah rjăp Liên minh châu Âu mbra kơl tay n'hanh n'hao âk kơl ndơ an tahen Ukraine gay đăp mpăn mât njrăng neh dak n'hanh nuĭh ƀon lan bah he tâm ban kơt nău nking nchăng bah khuch khat let năp tay. Rnoh ndơ kơl mbra lĕ ma nău pă an ndơ ntrŭp dŏng an tahen Ukraine, lĕ ma ndơ ntrôm săk, ndơ dŏng kơl rêh bôk năp n'hanh dak pring, tâm ban kơt ndơ ntrŭp dŏng tahen ƀư gay ma rnă săk./.

Nuĭh rblang: Điểu Thân