VOV4.M’nông- Ăp kruanh n’gâng kan ŭnh nar bâh âk dak châu âu EU dôl uănh n’hêl nău leo ƀư rơh rƀŭn nchră ndak mpeh ntŭk tăch rgâl điện n’hanh ăp roh uh ah mpeh ŭnh nar. Cộng hòa Sec, dak geh mât  ƀư kruanh tâm pleh ntŭk kan EU, dôl uănh n’hêl rgum kuăl jă rơh rƀŭn nchră gay ma tâm rlăch mpeh nău mbơh rnoh khlăy điện. Châu Âu dôl tâm rdâng đah nău jêr jŏt mpeh ŭnh nar dŭt hô tâm âk rach năm, đah rnoh prăk dŏng ndơ su n’hanh điện dŭt khlăy jêng tât lạm phát n’hanh têk nkre ăp n’gâng kan wăng sa tŭp rŭch. Rnoh khlăy điện ta châu âu lĕ hao khlay tâm ăp pơh ba năp rnôk Nga mô hôm pă tăch pring xăng an châu âu. Ăp chính phủ châu Âu lĕ pă an klâp ma 280 rmen ơ rô gay ma bah ir geh nău tât mpeh ŭnh pring đah ăp rnăk vâl n’hanh doanh nghiệp, prăk aơ mbra trok an ăp rnoh pă soăy an doanh nghiệp jê̆ ta Hy Lạp, trok prăk an nuĭh dŏng ndơ ta Bỉ.

Nuĭh rblang: Thị Đoắt