VOV4.M’nông: N’gâng kan neh dak Thổ Nhĩ Kỳ lơ 21/8 mbơh, geh tay 4 duk rdeng ndơ sa hŏ tă bah mpông dak lêng bah Ukraine, n’hao rnoh duk hăn tât ăp mpông bah Biển Đen bah Ukraine tĭng nau nchrăp kan rdeng luh ndơ tuch tăm yor Liên hợp quốc ƀư nau kơl an tâm nklang hao tât 31 bôk duk. Tâm rnôk aơ, Tổng thư ký Liên hợp quốc Antonio Guterres hŏ tât khâl Ntŭk rđau nau đă nsum ta Istalbul, Thổ Nhĩ Kỳ, rmôt kan mêt uănh tăch luh ndơ tuch tăm bah Ukraine. Bah nau kan mĭn đă ƀư Ndơ sa bah Biển Đen, du ntrong kan hŏ dơi geh nâk ƀư gay ma  chuăn rdeng ndơ sa, ndơ dŏng geh tât êng êng ndrel phân poh tă bah mpông dak lêng geh đă bah Ukraine tât ăp ntŭk tăch rgâl bah lam ntur neh. Tổng thư ký Liên hợp quốc Antonio Guterres kŏ kuăl jă ăp nau nsôih ân dơi geh tăch luh ndơ sa ndrel phân poh bah Nga. Wa mbơh lah, Liên hiệp quốc dôl pah kan đah Mỹ ndrel EU gay ma doh rklaih ăp nau nkol./.

Nŭih rblang: H’Thi