VOV4.M’nông: Ôi lơ 6/6, ntŭk nkoch mbơh nau Yonhap ndơ̆ nau mbơh bah tahen Hàn Quốc ân gĭt, Hàn Quốc ndrel Mỹ hŏ pănh 8 grăp phao ŭnh ndrak nsiu luh tât nkuăl dak lêng mpeh ba dâng tă bah du ntŭk mô geh năl mbơh. Aơ lah nau kan geh lah lơh mplơng nau pănh phao ŭnh mhe ngăn bah Triều Tiên. Tâm du nau mbơh tât nau mhe, Rmôt kan rnâng kan nchră nau bah tahen Hàn Quốc ton lah, nau kan Hàn Quốc ndrel Mỹ tâm rgop nsum gay ma pănh ăp phao ŭng tă bah neh, ân saơ nau dăng kŏ kơt lah nau mĭn tâm nau kan mra dơi geh ƀư rgŏ jă ăp nau rdôl lơh geh dơi păng geh sŏng, jêh nê gay ma lơh mplơng ăp nau kan joi nau. Ntoh nau tâm Nar nkah ăp nŭih tahen Hàn Quốc hŏ khĭt bah dak nê yor nau geh jêng bah ƀon lan, Tổng thống Hàn Quốc Yoon Suk Yoel ndrel nar hŏ mbơh mra tĭng ăp nau dơi mât rnă njrăng ngăn ndrel ăp nau kan êng đŏng gay ma rdâng đah ăp nau khuch bah phao ŭnh ndrel ndrak nsiu nar lơn ma hao âk ngăn tă bah Triều Tiên./.

Nŭih rblang: H’Thi