VOV4.M’nông - Nar nđaơ 3/5 Hàn Quốc n’hah Nhật Bản lĕ ƀư rơh râng tâm ôp gưl nchră nău rơh bôk năp jêh 6 khay, 2 ding tâm ban ŭch tâm ôp tay gay nthoi tay nău tâm boh đah ăp dak kiău ma. Rơh rƀŭn dơi ƀư ta Ngih bah N’gâng kan tâm rnglăp nchră nău Hàn Quốc, đah Vụ trưởng Vụ châu Á-Thái Bình Dương Lee sang-ryul đah nuĭh tâm ban gưl kan Nhật Bản Funakoshi Takehiro. 2 ding nkoch nău mĭn êng nơm mpeh nău tâm ôp tâm ngơi uĕh lơn tay, gay rgâl nău tâm boh ăp ding, ngăn lah tâm rnôk n’gâng kan Tổng thống Hàn Quốc dơi săch tay Yoon Suk-yeol mbra na nê̆ mbơh tâm nar 10/5. 2 ding nkoch nău uănh lah mpeh nu nău ta gôl dak Triều Tiên, tâm rnôk duh jêr nkual hao yor Triều Tiên rlong tay grăp phao ŭnh.

Nuĭh rblang: Y Sưng Phê Ja