VOV4.M’nông – Nar 31/7, Tổng thống Nga Vladimir Putin an gĭt, hải quân dak aơ mbra ơm dơi geh grăp phao ŭnh dŭt ngăch Zircon tâm 2-3 khay tât. Ntoh ngơi tâm nar ƀư nkah gĭt Nar hải quân Nga (31/7), Tổng thống Puitin rnê grăp phao ŭnh dŭt ngăch Zircon ntil grăp phao ŭnh uĕh ngăn lam ntŭr neh. Aơ lah ntil grăp phao ŭnh dơi mpăr ngăch rlău 9 tơ̆ nău nteh n’hanh tâm năm bah năp, Nga lĕ ƀư ăp rơh rlong pănh grăp phao ŭnh aơ bah tàu tâm lơh n’hanh tàu mŭr. Tổng thống Nga đă an n’gao dơi an hải quân. Rmôt aơ an nchrăp rdâng đah rnoh ngăch ngăn dơi geh đah lĕ rngôch ăp nuĭh rŭn in ƀư tơm n’hanh dah rŏng dak Nga. Bah meng nĕ, nuĭh kruanh Nga an gĭt, wa lĕ ký ăp sam ƀŭt ntrŭnh nău kan bah Hải quân Nga geh Học thuyết Hải quân mhe n’hanh Điều lệ Tàu bah Hải quân Nga.

Nuĭh rblang: Y Sưng Phê Ja