VOV4.M’nông – Nar 15/8, Tổng thống Hàn Quốc Yoon Suk-Yeol an gĭt, rgâl uĕh tâm boh đah Nhật Bản lah trong gay rdâng đah nău ntêt nkri rnă njrăng lam ntŭr neh kơt gay đăp mpăn ta nkual. Tâm boh đah Hàn Quốc n’hanh Nhật Bản lĕ mô uĕh tâm đêt năm plơ̆  ma aơ, geh tât ăp nău kăl e tâm lvang Nhật Bản rŭn in gôl dak Triều Tiên 1910-1945. Rơh hô ngăn duh jêr tâm năm 2019 rnôk Nhật Bản n’glêh an ăp trong tăch rgâl mhe đah Hàn Quốc n’hanh Hàn Quốc n’gleh an ăp trong uănh nđôi đah ndoh ndơ tăch n’gluh an Nhật Bản. Kơp bah rnôk dơn kan khay 5 năm aơ, Tổng thống Hàn Quốc Yun Sớc Yên lĕ geh nău ŭch rgâl tâm boh đah Nhật Bản tâm nău kơl tâm rnglăp bah dih bâh chính phủ mhe. Tĭng pơng, nău ntrôl tâm boh Hàn Quốc-Nhật Bản lah dŭt n’hâm khlay.

Nŭih blang: Y Sưng Phê Ja