VOV4.M'nông: Tahen Hàn Quốc n'hanh Mỹ nar 29/8 hŏ ntơm nthoi tay gâl bar rơh nti tahen nsum "Păng khêl dah rŏng Ulchi” (UFS). Tahen bar dak mbra ƀư nti tâm lơh har plơng gay đăp mpăn an thủ đô Seoul n'hanh nkual kiău ma. Tĭng KBS, Hàn Quốc n'hañh Mỹ hŏ ƀư nti tâm lơh mât uănh duh jêr, jêng lah rơh nti lor bôk năp an rơh nti tâm lơh "Păng khêl dah rŏng Ulchi", tâm 4 nar ntơm bah nar 16/08. Ntơm bah nar 22 - 26/08, du gâl bôk năp bah rơh nti tâm lơh “Păng khêl dah rŏng Ulchi” hŏ dơi ƀư lôch jêh, đah rgum tơm lah njrăng n'gang an thủ đô Seoul n'hanh bar n'gor kiău ma, ntrôl rŭch rơh rdôl lơh bah phŭng rlăng. Gâl 2 bah rơh nti tâm lơh dja mbra ƀư tât lĕ nar 01/09. Tahen bar dak hŏ njêng n'hanh tiăr nti ăp ntŭk rdôl lơh êng êng tâm rơh nti tâm lơh n'gul kêng dŭt năm, yơn mô mbơh ntŭk ŭch rdôl lơh tâm rơh nti tahen năm aơ lah ta ah ntŭk ta neh dak Triều Tiên.

Nuĭh rblang: Điểu Thân