VOV4.M'nông: Hàn Quốc n'hanh Mỹ nar ntri (22/8) hŏ ntơm rơh nti tahen nsum ăp năm, nthoi tay trong nchrăp tiăr nti ngăn ta neh kơh, gay nchrăp njrăng n'gang neh dak têh jong đah ăp rơh rlong ndrak nsiu bah Triều Tiên. Ăp rơh nti tahen khay rlu nti đah Hàn Quốc n'hanh Mỹ năm aơ geh moh “Lha khêl dah rŏng Ulchi” dơi ntơm bah nar aơ n'hanh nchrăp lôch tâm 01/09, ƀư lôch rnôk Tổng thống Hàn Quốc Yoon Suk-yeol, mbơh mbra "plơ̆ tay kơt ơm" ăp rơh nti tahen nkre đah n'hao dăng lơh mbram đah Triều Tiên. Tĭng nău mbơh bah Bộ Quốc phòng Hàn Quốc, ăp rơh nti tahen năm aơ mbra geh 11  bôk nău kan tiăr nti ta neh kơh, tâm nê geh du bôk nău kan tiăr nti ta gưl lữ đoàn - đah nău tât râng bah hang rbăn tahen bar dak./.

Nuĭh rblang: Điểu Thân