VOV4.M'nông: Tahen Hàn Quốc mhe mbơh Triều Tiên hŏ pănh 2 grăp ŭnh bôk ndrak lot dêh mĭn lah tă bah du tach ndeh păr ta thủ đô Bình Nhưỡng tâm ôi 17/1. Aơ lah rơh rlong  pănh grăp ŭnh tâl puăn mbro tâm khay dja bah Triều Tiên, ƀư jêng duh jêr tâm nkual. Tĭng nău mbơh bah Hội đồng Tham mưu trưởng Liên quân Hàn Quốc, rơh pănh grăp ŭnh rơh dja bah Triều Tiên nklăp geh nău tât râng bah 2 grăp ŭnh bôk ndrak lot dêh (SRBM) dơi rƀŏng pănh mpeh luh nar tach ndeh păr Sunan ta Bình Nhưỡng. Chính phủ Nhật Bản bah năp nê hŏ mbơh mpeh rơh rlong pănh dja, tâm nê Chánh văn phòng chính phủ Nhật Bản Hirokazu Matsuno nduih lah rơh pănh lah nău ntêt nkri đah nău đăp mpăn n'hanh rnă njrăng bah nkual./.

Nuĭh rblang: Điểu Thân