VOV4.M'nông: Nar 1/8, lah ta rơh hop bah Ủy ban Đối ngoại Quốc hội Hàn Quốc, Ngoại trưởng dak dja wa Park Jin an gĭt, Hàn Quốc dôl kan nsum lhăt đah Trung Quốc n'hanh Nga gay nking nchăng nău Triều Tiên rlong ndrak nsiu hạt nhân tâl 7. Wa Park Jin lah rjăp, Trung Quốc dôl nchrăp an nar chính trị khlay - Đại hội Đảng Cộng sản tâl 20 nchrăp ƀư tâm khay 10 tât, jêng Trung Quốc uănh khlay nău mât đăp mpăn bah tâm lơh tâm su bah wăr kiău ma tâm nê geh gôl dak Triều Tiên. Hàn Quốc mpơl âk tơ̆ mpet đă Trung Quốc gay dak kân đă Triều Tiên lơi ir rlong ndrak nsiu hạt nhân. Tâm rnôk nê, Hàn Quốc nsing tâm Nga gay nkah njrăng lor Triều Tiên đŏng, lah rlong pănh tay ndrak nsiu hạt nhân mbra geh n'gluh êng./.

Nuĭh rblang: Điểu Thân