VOV4.M'nông: Ơm ôi nar 12/8 tĭng mông Việt Nam, Hội đồng Bảo an Liên hợp quốc ƀư rơh hop ndal gay nkra rơh duh jêr nhih máy hạt nhân Zaporizhzhia ta Ukraine. Ăp ding  hŏ tâm ban ŭch ân mât đăp mpăn an nhih máy điện hạt nhân Zaporizhzhia lôch rnôk nkual dja geh âk rơh rdôl lơh ma tahen, ƀư lam ntŭr neh klach rvê mpeh nău tât hạt nhân ta Nhih máy điện dŭt têh châu Âu dja. Ta rơh hop, Giám đốc Nhih pah kan ŭnh nar nguyên tử dak bah dih (IAEA) kuăl jă Nga n'hanh Ukraine, an n'hao ăp  nuĭh rnâng kan hạt nhân uănh năl đăp mpăn n'hanh rnă njrăng ta nhih máy điện hạt nhân Zaporizhzhia. Rơh hop ndal ƀư tĭng nău đă bah Nga, ngoăy tâm 5 dak Ủy viên Rnâng kan Hội đồng bảo an lôch nkual dăch kêng nhih máy Zaporizhzhia geh âk rơh rdôl lơh, lơn lah ăp rơh ntŭp bom nar 9/8 mhe aơ ƀư 14 nuĭh khĭt./.

Nuĭh rblang: Điểu Thân