VOV4.M’nông – Nuĭh kruanh Ngih pah kan ŭnh nar Nguyên tử Quốc tế (IAEA) an gĭt dôl “dŭt, dŭt êp” tât rơh khâl ngih măy điện hạt nhân Zaporizhzhia yor Nga dôl djôt uănh nđôi ta Ukraine. Ntoh ngơi ta Kênh tivi France 24 tâm nar 25/8, Tổng Giám đốc Ngih pah kan Ŭnh nar Nguyên tử Quốc tế an gĭt, ăp rơh tâm nchră đah ăp ding mpeh nău gĭt ngih măy điện hạt nhân têh ngăn châu Âu dôl ƀư dŭt uĕh. Yor nê, rơh khâl ngih măy điện Zaporizhzhia geh jŏ tâm 1 pơh bah rmôt way kan IAEA mbra ƀư tâm đêt nar tât, lah ăp rơh tâm nchră geh lôch uĕh di nău nchrăp. Tâm nar 25/8, Hội đồng Duma Quốc gia Nga lĕ ƀư du rơh rƀŭn gay tâm nchră mpeh nu nău ngih măy điện hạt nhân Zaporizhzhia kơt nău ntêt nkri đah nău đăp mpăn bah ntŭk aơ.

Nuĭh rlang: Y Sưng Phê Ja