VOV4.M’nông-Ntŭk kan uănh nđôi hạt nhân bâh LHQ mbra tât khâl ngih máy điện hạt nhân Zaporizhzhia ta Ucraina tâm bar pe nar tay lah ăp rơh tâm nchră mpeh nău dơi geh gĭt dăch tât. Nga n’hanh Ukraine lĕ âk tơ̆ tâm ntôn nduĭh lăp ta ngih máy Zaporizhzhia. Liên hợp quốc kuăl đă mô dŏng nău kan tahen ta nkual aơ. Đại sứ Nga ta LHQ lah na nê̆ đah hội đồng bảo an LHQ an lah Nga ŭch knơm kâp rơh tât khâl bâh mpôl kan ntŭk kan ŭnh nar nguyên tử lam ntur neh IAEA tât ngih máy Daporinha n’hanh Nga mbra kơl an lĕ rngôch gay ma doh rklaih lĕ rngôch ăp nău an rơh tât khâl aơ. Ngih máy điện hạt nhân Daporinhia bâh Ukraine dôl gŭ tât dăch ntŭk bôk năp n’hanh geh rdul lơh mbro tâm ăp pơh dăch aơ, ƀư geh nău mĭn rvê mpeh nău tât hạt nhân.

Nuĭh rblang: Thị Đoắt