VOV4.M’nông: Ntoh măt bah Tơm prăk lam ntur neh (IMF) lơ 29/8 geh rơh tâm mâp đah ăp n’gâng kan gưl prêh bah Pakistan gay nchră tât rnoh kơl an văng sa mhe, tâm rnôk neh dak Nam Á aơ lŏ rdâng đah ăp nau jêr mpeh văng sa. IMF mbơh rnâng kan rđau kan bah ntŭk aơ mô nchră rnoh kơl an rơh 8 ndrel 9 đah rnoh rlau 1,2 rmen đôlar ndrel nar. Jêh rnôk IMF nchră rnoh kơl an mhe, Pakistan mra ndơn geh 1,2 rmen đôlar gay tŏng dơi nau ŭch manh prăk ndal. Ntŭk kan ân manh bah lam ntur neh aơ hôm dơi pă ân Pakistan tât 4 rmen đôla tâm rnoh hôm e bah năm tơm prăk 2022. Tĭng báo chí bah nkuăl, Pakistan kŏ đă kơl an ndal tă bah Tơm prăk ngăch (RFI) bah IMF. Nau kan aơ mra dơi geh pă rnoh kơl ntop hao tât 500 rkeh đôla./.

Nŭih rblang: H’Thi