VOV4.Mnông- Rnôk ma nău ntưp rêng Covid-19 tal pe yor rgâl săk Omicron ƀư ntơm lĕ bah oi, Indonesia ntơm nchrăp nău kan ndơ̆ mbơh Covid-19 jêng nău ji way geh. Kruanh n’gâng kan dak si Indonesia Budi Gunadi Sadikin an gĭt tĭng nău ntĭm đă bâh Tổng thống Joko Widodo, n’gâng kan dak si dak aơ lĕ geh rdâk njêng nău kan ndơ̆ mbơh nău tâm rdâng đah nuh srê Covid-19 jêng kơt du nău ji way geh. Tổng thống Indonesia đă an geh uănh nkah na nê̆ ê lỏ geh dŏng nău kan mât săm Covid-19 mhe, đah ăp trong kan geh gĭt dăch êng êng, mô dơn mpeh nău kan khoa học, dak si ma hôm nha geh nău rêh jêng, văn hóa wăng sa. Tâm rnôk ndơ̆ mbơh nău rgâl nuh srê Covid-19 jêng nău ji way geh, chính phủ Indonesia geh nău nchrăp mât an tâm ban đah săo soan ntŭk rêh jêng n’hanh nău geh nsum mpeh wăng sa.

Nuĭh rblang: Thị Đoắt