VOV4.M’nông- Ta rơh rƀŭn nchră tal 42 bâh Ủy ban n’har bri nsum Malaysia-Indonesia geh ƀư ta Kuala Lumpur pơh aơ, Indonesia n’hanh Malaysia lĕ tâm ban ŭch n’hao nău tâm kơl mât rnă njrăng ngih dak bar ding. Kruanh n’gâng kan mât rnă njrăng ngih dak 2 dak lĕ ký du nău tâm ton kahgĭt mpeh n’hao tâm kơl mât rnă njrăng ngih dak bar ding. Tĭng nău kahgĭt aơ, Indonesia n’hanh Malaysia mbra ntrôl dăng nău tiăr nti nsum, pă nău tâm kơl kan ta trong kan công nghiệp mât rnă njrăng ngih dak, khoa học n’hanh công nghệ quân sự...tâm kơl đah tahen Indonesia n’hanh mpôl kan mât rnă njrăng ngih dak Malaysia mbra geh geh ntrôl ƀư ta âk trong kan êng. Bar ding mbra geh ƀư ăp rơh tâm nchră kan, ôp nău bar ding ăp khay mpeh nău tâm kơl ăp trong kan, geh nău dơi nsum geh tât mât rnă njrăng ngih dak, tahen, tâm mbơh nău mpeh trong kan mât rnă njrăng ngih dak bâh ăp rơh rƀŭn nchră bôk nău kan, tâm nchră ăp rơh tât khâl nti pah kan.

Nuĭh rblang: Thị Đoắt