VOV4.M’nông: N’gâng kan nchră nau Iran mbơh, nau tâm nchră ndrak nsiu rnôk aơ geh dơi nau nchrăp đŏng lah mô ri nsing tâm nau ntrŭnh chính trị bah Mỹ yor Iran hŏ ntoh tâm nau dơi tâm rnôk tâm nchră. Nŭih ntoh ngơi N’gâng kan nchră nai Iran Nát-xơ Ka-na-a-ni mbơh, Iran ê tă geh nau luh bah nau tâm nchră ndrel mra mô geh ƀư nau kan tĭng nau mĭn êng n’ăp ma rnôk Mỹ dôl ma ƀư ăp nau tât ndrel ƀư nau mpet đă đah dak aơ. N’gâng kan Iran lah rjăp, nau kan geh dơi nau nchrăp đŏng lah mô ri nsing ngăn tâm ăp nau ntrŭnh bah Mỹ. Wa Ka-na-a-ni lah rjăp lah, Iran mra hôm nau ton râng nau ƀư tâm nchră ân tât rnôk geh du nau nchrăp ueh ndrel nâp nâl. Nau dun bah N’gâng kan nchră nau Iran geh ndŏ luh tâm rnôk mhe aơ, Iran ân lah dak aơ mra mô geh pơk 27 camera bah IAEA ân tât rnôk ăp ding plŏ tay nau nchrăp kan ndrak nsiu 2015./.

Nŭih rblang: H’Thi