VOV4.M’nông: N’gâng kan nchră nau Iran hŏ ntih nau rvê mpeh ăp nau kan tahen bah Thổ Nhĩ Kỳ ra Syria. Mhe aơ ngăn, tâm rơh rƀŭn mbơh yor N’gâng kan nchră nau Iran ƀư đah nau râng bah Kruanh N’gâng kan Syria, Faisal Miqdad, nŭih ntoh ngơi bah N’gâng kan nchră nau Iran, Nesser Kanaani hŏ ntu nau rvê mpeh ăp nau kan tahen bah Thổ Nhĩ Kỳ ta Syria, nkre kuăl jă Ankara nsrŭng ăp nau kan aơ. Wa Kanaani nkah lah, ăp nau kan tahen bah Thổ Nhĩ Kỳ mra leo jêng nau hao duh bah nau tâm lơh tâm ăp nkuăl bah Syria ndrel mra mô leo tât nau đăp mpăn ndrel rnă njrăng. Mpeh săk nơm, Kruanh n’gâng kan Syria ntoh nau dun lơi nau kan Thổ Nhĩ Kỳ leo lăp tâm nau kan êng dak dak nê, nkre ân lah ăp rmôt kan dak ba dih rnôk aơ lah geh nau tih dôih ri ân luh bah Syria./.

Nŭih rblang: H’Thi