VOV4.M’nông- Nar 31/7, Iran geh mbơh mbra plơ̆ tâm nchră tay nău kan hạt nhân tĭng nău dăn đă bâh châu âu. groi kruanh n’gâng kan nchră nău đah dak bah dih mât leo ăp nău chính trị, nkre lah kruanh mpôl tâm nchră bâh Iran, Ali Bagheri Kani an gĭt, dak aơ mbra plơ̆ tay ta thủ đô Vienna gay ma ƀư lôch lĕ rngôch ăp rơh tâm nchră gay ma ndâk nsơm tay nău tâm ton hạt nhân đah ăp dak phương Tây. Tĭng nău mbơh bâh wa Bagheri Kani, Iran lĕ mbơh tơih ăp nău mĭn gay ma dăn đă mpeh trong kan n’hanh nkô̆ nău kan an ăp ding hôm e gay ma pơk trong an nău ngăch ƀư lôch ăp rơh tâm nchră ta Vienna. kruanh mpôl tâm nchră bâh Iran an gĭt tay, dak aơ dôl pah kan na nê̆ lơn đah ăp nuĭh kan ndrel bâh nơm ta nău tâm ton hạt nhân, gay ma pă an Mỹ du nău nkhêp êng mpơl nău ŭch rŏng n’hanh dơn kan bâh nơm.

Nuĭh rblang: Thị Đoắt