VOV4.M'nông: Nuĭh ntơh ngơi Bộ Ngoại giao Iran Kanaani nar 22/8 an gĭt: Mỹ mô hŏ plơng ơh nău dăn đă bah châu Âu mpeh rdâk tay nău tâm ton hạt nhân năm 2015.  Lah tâm rơh hop báo ăp pơh, wa Kanaani an lah ăp rơh tâm nchră ta Vienna dôl hôm dơi kâp đŏng, yor kơt nê̆ der nkoch tât na nê̆ n'hanh rơh tâm nchră tay. Iran hŏ ơh nău dăn đă bah Liên minh châu Âu di nar ton nsing ta trong tâm rgop nău n'hanh geh nău dơn kan. Yơn lah, dak dja mô hŏ geh du nău plơng ơh đah nău dăn đă bah châu Âu tât bah Mỹ. Nuĭh ntơh ngơi Bộ Ngoại giao Iran lah rjăp lah Mỹ mpơl nuih n'hâm chính trị uĕh n'hanh răp jăp, mbra jêng hăn tât rơh tâm nchră bah kơi tay./.  

Nuĭh rblang: Điểu Thân