VOV4.M’nông: Tổng thống Iran Ebrahim Raisi lơ 27/4 vơt Kruanh n’gâng kan neh dak Trung Quốc Nguỵ Phượng Hoà dôl khâl ngăn tâm Tehran. Tổng thống Rbrahim Raisi hŏ lah rjăp nau ƀư ăp nau ntrŭnh mbơh tâm boh nau kan đah Iran ndrel Trung Quốc lah nau ƀư kơl an lor tâm rnôk nau kan bah lam ntur neh rnôk aơ. Mpeh săk nơm, Kruanh n’gâng kan neh dak Trung Quốc Nguỵ Phượng Hoà lah, n’hao nau kan tâm boh đah Iran ndrel Trung Quốc kơl an n’hao nau mât đăp mpăn tâm nkuăl ndrel lam ntur neh. Wa Nguỵ Phượng Hoà ton lah Iran ndrel Trung Quốc dơi tâm boh tâm ăp nau kan lam ntur neh ndrel rgop nau ƀư ntrŭt dăng nau đăp mpăn, nâp tâm lam ntur neh, lah rjăp ăp nau kan êng nơm dôl kol nau kan hun hao văng sa nâp nâl tâm lam ntur neh./.

Nŭih rblang: H’Thi