VOV4.M’nông - Iran, Nga n’hanh Thổ Nhĩ Kỳ mĭn lah dŭt n’hâm kan ndrel dun n’gang rŭng răng đah ăp trong n’hanh nău ntoh, lah rjăp nău tâm lơh ta Syria mô geh trong mkra tahen. Nĕ lah du nău lah ngăn tâm du nău mbơh nsum ta rƀŭn nchră gưl prêh 3 ding mhe dơi ƀư ta Tehran. Kruanh dak Nga, Iran n’hanh Thổ Nhĩ Kỳ mĭn lah ndrel soan dun n’gang rŭng răng đah ăp trong, nău ntoh; phong nău hao ntoh n’hanh nău ƀư bah ăp rmôt rŭng răng n’hanh ăp ntŭk tâm rgop đah ăp săk kuăl êng êng ta Syria, geh n’ăp ăp nău rdôl lơh nchrŏng tâm ăp ntŭk ƀon lan ƀư ƀon lan mô tih khĭt. Tổng thống Iran, Nga n’hanh Thổ Nhĩ Kỳ mĭn lah mô dơi geh trong mkra tahen an nău tâm lơh Syria. Ăp ding an lah rnă njrăng n’hanh đăp mpăn ta nkual aơ knŭng dơi geh tĭng nău tâm ryơk ƀư tơm n’hanh uĕh lăng neh ntu, bri dak, nkre ton tâm rgop gay dơi geh nău rƀŏng aơ.

Nuĭh rblang: Y Sưng Phê Ja