VOV4.M’nông - Israel mhe ký ton tăch rgâl dah rŏng đah UAE n’hanh lah tâm ton bôk năp đah du dak Ả-rập. Tâm ton dơi ký ta Dubai jêh 4 rwăch tâm nchră đah 2 ding. Tâm ton gay ntrôl tăch rgâl đah Israel n’hanh UAE, jăng lơi soăy trong luh lăp ndơ đah 96% ndơ, geh ndơ sông sa, ndơ lŏ mir, ndơ nkrơh, ndơ dak si n’hanh dak si. Tâm ton gay ŭch pơk hvi an nău kan luh lăp ndơ, ndơ tăch rgâl. Jêh tâm ton rgâl nâm ơm năm 2020, tâm boh Israel n’hanh UAE nar lơ dơi rgâl uĕh, ngăn lah kan ndrel wăng sa, tăch rgâl. Tĭng rnoh kơp bah Israel, tăch rgâl 2 ding năm e geh nklăp 900 rkeh đôlar. UAE lah dak nkual njônh bôk năp nâm ơm tâm boh đah Israel n’hanh dak Ả-rập tal 3 bah kơi Ai Cập n’hanh Jordan.

Nuĭh rlang: Y Sưng Phê Ja